Саха Өрөспүүбүлүкэтин Бэрэсидьиэнэ 2001сыл ахсынньы 13 күнүнээҕи ыйааҕынан балаҕан ыйын төрдүс өрөбүлэ предприниматель (урбаанньыт) күнүнэн бигэргэтиллибитэ. Бу олохтоммут бырааһынньык олоххо көхтөөх дьыалабыай дьон өҥөлөрүн билинэр бырааһынньыгынан буолар. Урбаанньыттар диэн- олус хорсун, ыарахаттартан чаҕыйбат, модун санаалаах , үгүс үтүөнү дьоҥҥо баҕарар , олоҕу сайыннарар аналлаахтар бу эйгэҕэ киирэллэр. Экэниэмикэ ырыынагын усулуобуйатыгар урбаанньыт дьоҕургутунан өрөспүүбүлүкэ, нэһилиэк олоҕо тупсарыгар кылааккытын киллэрэҕит.
Баппаҕаайы нэһилиэгэр 12 урбаанньыт үлэлии хамныы сылдьаллар.
ИП Алексеева Лидия Дмитриевна. 2015 с Лидия Дмитриевна урбаанньыттыыр. Сүрүн дьарыга атыы-эргиэн, “Андрианова” диэн маҕаһыыннаах онно араас аһылык, куннээҕи туттар мал-сал арааһа атыыланар. Нэһилиэк тэрилтэлэригэр дуогабарынан ас арааһын, кыраасканы, туттар маллары хааччыйар.
Алексеев Николай Николаевич ИП, дьарыга атыы-эргиэн, ас таҥас, туттар тэрил, араас наадалаах табаары уонна минньигэс килиэп буһаран атыылыыр, нэһилиэк тэрилтэлэригэр дуогабарынан мал сал аҕалар.
ИП Татаринов Петр Васильевич. 2011сыллаахтан индивидуальнай предприниматель. Бастаан шиномонтаж тэриммитэ онтон 2012 с такси өҥөтүн саҕалаабыта. Айаҥҥа барар кэмигэр шиномонтаһыгар үлэһиттэри тутан хамнастыыр. Бу сыллар тухары ИП Татаринов П.В элбэх эдэр ыччаты хамнастаан кэллэ. Нэһилиэкпит биир бастыҥ таксиһа ыраас, сымнаҕас олбохтоох, түргэн сырыылаах массыыналаах Петр Васильевич дьон махталын өрүү ылар.
ИП Никитин Герман Викторович. 2019с Герман Викторович оборудование ылан, бытыылкаҕа кутуллар ыраас иһэр ууннан хааччыйар ИП тэринэн улэлэтэ олорор. ИП Никитин Г.В. онорор уутун Баппаҕаайы эрэ дьоно буолбакка ыаллыы сытар Лөкөчөөн, Маҥаны нэһилиэктэрин дьоно хамаҕатык ылаллар.
ИП Федоров Семен Семенович. Семен Семенович 1994с-2009с дылы “Арыылаах” бааһынай хаһаайыстыба тэринэн үлэлээбитэ. 2009 с билиҥҥи күҥҥэ дылы ИПФедоров С.С. РИК Автодор тэрилтэ иьинэн Бүлүү федеральнай трассатыгар 69 км усталаах суолу ыраастыыр тэрилтэ буолан улэлиир. Бэйэтин оҕолорун, үлэтэ суох дьону улэлэтэр хамнастыыр.
ИП Николаев Анатолий Афанасьевич. 2018 сылтан крестьянскай-фермерскай хаһаайыстыба тэринэн улэлиир. Сүрүн дьарыга сылгы иитиитэ.
ИП Иванов Владимир Семенович. 2016с. ынах сүөһү иитиитинэн дьарыктанар тэриллиилээх хаһаайыстыбаны тэриммитэ. Нэһилиэккэ соготох элбэх ынах сүөһүнү иитэр хаһаайыстыба буолар.
ИП Тарасов Николай Николаевич. 1995 с «Тэттик» диэн бааһынай хаһаайыстыба тэринэн үлэлээбиттэрэ 2010 сылтан индивидуальнай предприниматель. Сүрүн хайысхата: ынах- сүөһү иитии, онно анаан от оттооһун, сир оҥоруу
Иванов Федот Федотович ИП крестьянскай-фермерскай хаһаайыстыба тэринэн улэлиир.
ИП Харлампьев Иннокентий Маркович. 2018 сылтан крестьянскай-фермерскай хаһаайыстыба тэринэн улэлиир. Сүрүн дьарыга сылгы иитиитэ.
ИП Яковлев Руф Степанович. 2019 с. урбаанньыт буолбута. Пилораманы үлэлэтэр, тыраахтарынан тиэйии-таһыы өҥөтүн оҥорор, уу баһар.
ИП Яковлев Григорий Яковлевич 2018 сылтан үлэлиир, сүрүн дьарыга атыы-эргиэн, “Роза” диэн маҕаһыыннаах. Дэриэбинэ ыраах өттүгэр олорор нэһилиэк олохтоохторугар иккис маҕаһыынын арыйан үлэлэтэ турар, араас аһылык, күннээҕи туттар мал-сал арааһа уонна дьон табаарга сакааһын толорор, эрчимнээхтик үлэлиир эдэр урбаанньыт.
Атыы – эргиэн , сүөһү-сылгы иитиитигэр улэлиир дьоммутугар төһө да дойду үрдүнэн уустук күннэр-дьыллар турбуттарын иһин, эппиэтинэстээх үлэҕитинэн дьоҥҥутугар сэргэҕитигэр көмөлөһө тураргытыгар махтанабыт.
Баҕарабыт эһиэхэ кытаанах доруобуйаны, айаҥҥыт алгыстаах, суолгут доҕордоох буоллун, харчыгыт хаҥаатын, үпкүт үксээтин, дьон сэргэ махтала уостубатын, дьоллоох-соргулаах буолуҥ!