Аҕа дойдуну көмүскээччи күнүгэр нэһилиэкпит эр дьонноругар 9 түһүмэхтээх күрэх ыытылынна. Күрэххэ 2 лии киһилээх 5 хамаанда көхтөөхтүк кытынна.

Сарсыарда 11 чаастан А.Е.Алексеев аатынан “Эрэл” спортсаалаҕа – Маамыкта быраҕыыта; – Мохсоҕоллор охсуһуулара; – Игра на внимание; – Таба бырах көрүҥнэргэ күрэхтэстилэр.

Салгыы “Алаһа” СК бильярд күрэҕэ буолла

Бильярд күрэҕин түгэннэриттэн

Алаһа СК киэһэ түмүктүүр түһүмэхтэр буоллулар

Сынньалаҥ киинигэр ыытыллыбыт күрэхтэртэн

Күрэх түмүгүнэн:

1 миэстэ – “Баппаҕай” хамаанда Гаврил Алексеев, Дмитрий Иванов

2 миэстэ- “Дохсун” хамаанда Егор Степанов, Аян Антонов

3 миэстэ – “Дьулуур”хамаанда Александр Борисов, Дьулустан Федоров

“Чыпчаал” хамаанда Кирилл Алексеев, Геннадий Сокорутов, “Кэскил” хамаанда Григорий Алексеев, Денис Васильев актыыбынай кыттыылаахтар.

“Чыпчаал” хамаанда эр дьонноро көрөөччүлэр куоластарынан “Приз зрительских симпатий” анал аакка тигистилэр.

Кыайыылаахтарга уонна бука бары кыттыбыттарга бириистэр, грамоталар туттарылыннылар. Алаһа СК үлэһиттэрэ ылбаҕай ырыаларынан эҕэрдэлээтилэр.

Сылын аайы ыытыллар тэрээһиннэргэ көхтөөхтүк кыттар эрэллээх эркин эр дьоммутугар баҕарабыт кытаанах доруобуйаны, үлэҕитигэр ситиһиилэри тус олоххутугар дьолу-соргуну!

Олунньу 14 -15 күннэригэр 2026с Баппаҕаайы нэһилиэгэр, Алаһа СК, аһаҕас бильярд күрэҕэ ыытылынна. Бу күрэҕи спонсордаан тэрийэн ыыттылар Николаев Артур Афанасьевич –   ВилюйАвтоТранс ХЭТ генеральнай дириэктэрэ, Антонов Артур Гаврильевич – Сахастрой-Транс ХЭТ дириэктэрэ. Бириис пуондата 100 000 солкуобай.

1 Чочу – 7киһи, Дьөккөн – 4киһи, Бердигестях – 1киһи, Тамалакаан (Үөһээ Бүлүү – 4киһи, Баппаҕаайы – 18 киһи уопсайа 34 киһи кытынна.

Тэрийээччилэргэ, дойдуларыгар бильярд 🎱 сайдыытыгар төһүү күүс буола сылдьалларыгар Артур Афанасьевичка, Артур Гаврильевичка Республика бильярдка спордун федерациятын, Баппаҕаайы бильярдистарын аатыттан бар5а Махтал!✊

Минньигэс астаах буфеттаах Баппаҕаайытааҕы Алаһа СК үлэһиттэригэр махтал тылларын күрэх кыттааччылара эттилэр.

Эдуард Степанов “”Баппаҕай”

бильярд кулуубун салайааччыта, күрэх сэкиритээрэ.

Ахсыннььы 31 күнүгэр сылы түмүктүүр тэрээһин өрө көтөҕүллүүлээхтик саҕаланна. 13 төгүлүн ыытыллар  «Сайдыы-түмсүү бастыҥ түөлбэтэ» улууустааҕы көрүү-күрэх түмүгүн олохтоох дьаһалта баһылыга Егор Афанасьевич Николаев билиһиннэрдэ. “Баппаҕаайы нэһилиэгэ” 600 тэн тахса ахсааннаах нэһилиэнньэлээх улахан нэһилиэктэргэ сыл түмүгүнэн II миэстэни ылла.

Бу киэһэ “Баппаҕаайы нэһилиэгин бочуоттаах олохтооҕо” наҕарааданы туттулар: Харлампьева Зоя Михайловна, Григорьева Татьяна Васильевна, Николаев Артур Афанасьевич,

“За вклад в развитие Баппагайинского наслега” знагынан наҕараадаланнылар: Новикова Маргарита Егоровна, Степанов Эдуард Власьевич, Алексеев Моисей Гаврильевич, Алексеев Анатолий Николаевич,

Комплекснай спартакиадаҕа кыттыбыт спорду таптааччыларга грамоталары сэмэй бэлэхтэри олохтоох дьаһалта аатыттан баһылык туттарда.

Улуустааҕы “Түөлбэ талаана” култуура фестивалын ситиһиилээх кыттааччыларыгар сынньалаҥ киин директора Харлампьева В.В. грамоталары, бэлэхтэри туттарда.

Улуустааҕы “Кыайыы уруһуйа” уруһуй күрэҕин кыттааччыта Александр Васильев

Баҕарабыт самодеятельность кыттыылаахтарыгар үүммүт сылга өссө үрдүк ситиһиилэри, талааҥҥыт тахса турдун. Күндү нэһилиэкпит олохтоохторо, үүммүт сыл аҕаллын эһиэхэ үтүөнү кэрэни, чэгиэн доруобуйаны, дьолу соргуну.

“Кыһын Саха Сириттэн саҕаланар” фестиваль чэрчитинэн ахсынньы ый бастакы нэдиэлэтигэр нэһилиэк харыйатын уотун уматыы бырааһынньыга ыытыллар. Таһырдьа төһө да тымныы буоллар оҕолор, төрөппүттэр кыттыыны ылаллар.

Тымныы Моруос харыйабыт уотун сандаарта, хас биирдии кэлбит оҕоҕо минньигэс мороженай бэлэхтээтэ үүнэр дьылга ситиһиилэри, кытаанах доруобуйаны баҕарда.

“Дьиэ кэргэнинэн харыйа оонньуура” конкурска быйыл 18 үлэ киирдэ. Бастыҥ оҥоһуктарга Тымныы Моруос бэлэхтэрин туттарда.

“Алаһа” СК үлэһиттэрэ муус иһиттэргэ тоҥ күөрчэх, тоҥ убаһа этэ бэлэмнээн күндүлээтилэр.

Кэлэн иһэр Саҥа Дьылынан, доруобай, дьоллоох буолуҥ!

Алтынньы 25 күнүгэр Алаһа СК Арассыыйаҕа Аҕа дойдуну көмүскээччи, Саха Өрөспүүбүлүкэтигэр Ийэ дойдуну көмүскээччи сылларынан, Саха Сирин Ийэлэрин күнүгэр аналлаах Баппаҕаайы нэһилиэгэр “Үс дьүөгэлии ийэлэр” күрэх ыытылынна

Нэһилиэкпит кэрэ, мааны, талааннаах үс дьүөгэлии ийэлэр 5 түһүмэххэ олус бэлэмнэнэн биир тыынынан кытыннылар.

Бэйэни билиһиннэрии – видеоролик оҥорон хас биирдии кыттааччы ийэ бэйэтин идэтин, дьиэ кэргэнин билиһиннэрдэ.

Талба талаан түһүмэххэ үҥкүүлээн, ыллаан көрөөччүлэри сөхтөрдүлэр, минньигэс ас астаан аҕалан аукциоҥҥа туруорбуттара былдьаһыгынан атыыланна. Араас кэмнээҕи уостан түспэт ырыалары таайыы түһүмэҕэр олус көхтөөхтүк ийэлэр эппиэттээтилэр. Түмүктүүр түһүмэххэ ийэлэрбит саха талыы -талба таҥаһын кэтэн кэрэ көстүүлэнэн сыанаҕа тахсан долгуччу хаамтылар.

Күрэх буолан баран түмүктээх , сыанабыллаах буолар.

Эдэр ийэлэр Саина Аммосова, Анита Николаева, Паша Оконешникова кыайыылаах ийэлэр аатын ылан сахалыы көбүөрүнэн наҕараадаланнылар.

Дария Данилова, Валерия Сидорова, Чэмэлиинэ Петрова уонна Декабрина Иванова, Гульнара Алексеева, Винна Алексеева актыыбынайдык кыттан сыаналаах бириистэринэн наҕараадаланнылар.

Нэһилиэкпит 6 түөлбэлэрэ бу күн бары биир сомоҕо буолан эдэрдиин-эмэнниин, “Көрдөөх стартка” олус көхтөөхтүк кытыннылар

Кыттыбыт хамаандалар бары үөрэ-көтө оонньоон минньигэс бэлэх тутан биир күнү бэрт сэргэхтик атаардылар.

Баппа5аайы нэһилиэгэр анал байыаннай дьайыыга сылдьар биир дойдулаахтарбытыгар көмө аһымал кэнсиэр ыытылынна. Нэһилиэк тэрилтэлэрин ансаамбыллара, оскуола оҕолоро, самодеятельность кыттыылаахтара кэнсиэр туруоран, аукциоҥҥа ас арааһын оҥорон атыылаан – биир сомоҕо буолан дойдубут туһугар көмөлөһөр акцияҕа кытынныбыт.

М.А.Алексеев аатынан Баппаҕаайы орто оскуолатын оҕолорун бөлөҕө

Хайа да кэмҥэ, ханнык да түгэҥҥэ эрэли сүтэримиэҕиҥ,мэлдьи кэрэҕэ, үтүөҕэ эрэнэ олоҕу олоруоҕуҥ. Бар дьонум дьоллоох буолуҥ!

Норуот күүһэ, көмүөл күүһэ!

Алтынньы ый 1-10 күнүгэр нэһилиэкпитигэр Аҕам саастаахтар декадата ыытылынна. Декада чэрчитинэн маастар-кылаастар, спортивнай күрэхтэһии ыытылынна

Дьахтар сэбиэтэ остуол оонньууларыгар маастар кылаас ыыппыта

А.Е.Алексеев аатынан “Эрэл” спортсаалаҕа кердеех стартар ыытылыбыттара сиһилии бу сигэннэн киирэн көрүҥ https://t.me/admbapp/205

Декада түмүктүүр киэһэтэ Алаһа СК ыытылынна.

Быйылгы тэрээһин 1 чааһыгар олохтоох библиотека үлэһитэ Айталина Сидорова нууча суруйааччыта Сергей Есенин 135 сааһыгар аналлаах сырдатыыны оҥордо. Есенин хоһоонугар ырыа ылланна, ол кэминээҕи үҥкүү үҥкүүлэннэ.

Флеш моб “Чарльстон”

“Мичээр” оҕо уһуйаанын үбүлүөйдээх бэтэрээннэрэ уһуйаан үлэһиттэриттэн бэлэх туттулар.

Араас кэмҥэ, араас тэрилтэлэргэ үлэлээбит үбүлүөйдээх бэтэрээннэри эҕэрдэлээтэ олохтоох дьаһалта (баһ.солбуйааччыта Алексеев Г.И.)

Баппаҕаайы орто оскуолатын коллектива бэтэрээннэрин эҕэрдэлээтилэр бэлэх туттардылар, ырыа ыллаатылар.

Бу дьоро киэһэҕэ эҕэрдэ арааһа этилиннэ, ырыа-тойук ылланна, үҥкүү – битии буолла, “Алаһа” СК үлэһиттэрэ араас оонньуулары оонньоттулар. Сылын аайы аҕам саастаахтарга болҕомто ууруу үксээн иһэр. Нэһилиэкпит тэрилтэлэрэ ас астаан аҕалан күндүлүүллэр эҕэрдэлииллэр, дьиэлэригэр тиийэ көмөлөһөллөр.

Убаастабыллаах нэһилиэкпит аҕам саастаах дьоно-сэргэтэ. Кырыйдыбыт диэн кыыһырбакка, сааһырдыбыт диэн санаарҕаабакка куруук маннык чэгиэн, көхтөөх буолуҥ, ыалдьымаҥ.

Алтынньы 1 – 10 күнүгэр дылы Баппаҕаайы нэһилиэгэр аҕам саастаахтарга аналлаах декада ыытыллар. Кулууп, библиотека, балыыһа, спортзал, дьахтар сэбиэтэ, олохтоох дьаһалта үлэһиттэрэ араас тэрээһиннэри ыытыахтара.

Алтынньы 2 күнүгэр аҕам саастаахтарга, “Алаһа” СК үлэһиттэрэ “Иннэлик” оҥоруутугар маастар кылаас ыыттылар.

Оҥоһуктарын Далбар Хотуттар дьиэлэригэр бэлэх кынан илдьэ бардылар, биир туһалаах күн ааспытыттан үөрэн-көтөн тарҕастылар .

Кыттыыны ылбыт аҕам саастаахтарбытыгар барҕа махтал, куруук маннык чэгиэн, көхтөөх буолуҥ,

 Баппаҕаайы нэһилиэгин “ Одун, Чыҥыс айыыларга сүгүрүйэр Кыайыы ыһыаҕар ыытыллар күрэхтэр балаһыанньалара

Ыһыах күрэхтэригэр көхтөөхтүк кыттыҥ, кыайыҥ ,хотуҥ!