Күндү Баппаҕаайы нэһилиэгин сэрии уонна үлэ бэтэрээннэрэ, ытыктабыллаах аҕам саастаах дьоммут!
Бу ураты суолталаах күн биһиги аҕам саастаах кырдьаҕастарбытыгар төрөөбүт дойдугут сайдыытыгар сүҥкэн кылааккыт, албан ааттаах үлэҕит, эстибэт эрчимҥит уонна дойду, норуот туһугар бэриниигит иһин истиҥ махтал тылларын этэбит.
Кырдьаҕастар аан дойдутааҕы күннэрэ ытыктабыл уонна үгэс эрэ быһыытынан бэлиэтээһин буолбакка, аҕа көлүөнэ дьонугар күннэтэ ахсаабат болҕомто, истиҥ кыһамньы уурарбытын санатар ытык күн буолар. Күндү аҕам саастаах ытык дьоммут!
Эһигини Аҕам саастаах дьон аан дойдутааҕы күннэринэн итиитик-истиҥник эҕэрдэлиибит! Бу дьыл кэмэ уларыйар кэмигэр бэйэҕитин харыстана сылдьыҥ диэн ыҥырабыт! Чугас дьоҥҥут, оҕолоргут чэгиэн буоллуннар!
⠀
Алта уон сааскытынан айхаллыыбыт – уруйдуубут, эҕэрдэ этигэнин этэбит, алгыспытын аныыбыт! Махтал мааны тылларын тиэрдэбит! Ис сүрэхтэн тахсар тылларын тэҥҥэ үллэстэн үөрүүгүт үрдээтин, саргыгыт салалыннын! Баҕа санааҕыт барыта барҕара туолуохтун, алгыспыт үтүөтэ, санаабыт сырдыга эһиэхэ тиийиэхтин.
Алексеев Павел Афанасьевич
Алексеев Федор Николаевич
Васильев Владислав Михайлович
Иванова Аксиния Семеновна
Иванов Иван Кимович
Николаев Иван Иванович
Николаев Эдуард Спиридонович
Платонова Анна Николаевна
Таскина Александра Николаевна
Федоров Иван Семенович
65 үбүлүөйдээх сылларынан.
Эһиги үлэҕэ сыһыаҥҥыт, олоххо баай көрүүгүт-үөрүйэххит, санааҕыт күүһэ биһиэхэ куруук холобур буолар. Эһиги дьиэ кэргэҥҥит сылаас истиҥ сыһыаныгар угуттанан, өр сылларга этэҥҥэ олоруҥ! Уһун үйэни, чэгиэн доруобуйаны, дьолу-соргуну!
Алексеева Елена Павловна
Акимова Александра Петровна
Антонов Николай Васильевич
Куприянова Людмила Егоровна
Михайлов Анисим Петрович
Михайлова Мария Федоровна
Никифорова Светлана Николаевна
Платонов Владимир Иванович
Поскачина Наталья Гаврильевна
Сэттэ уоннарын сиппиттэр – олох оройугар тиийбиттэр. Кырдьары – ыалдьары билбэккэ куруук да дьоллоохтук олоруҥ, кэнэҕэс кэнчээри ыччаккытыгар кэскиллээх олоҕу оҥорооруҥ. Сааскы күн сарыалын кэриэтэ сандаархай сайаҕас санааланыҥ, унаар күөх сайыммыт кэриэтэ уостубан уйгулаах олохтонуҥ.
Алексеева Октябрина Егоровна
Иванов Николай Семенович
Күн-дьыл өксүөнүн билиммэккэ, ыалдьар-кырдьар диэни аахсыбакка, эдэрдии эрчимнэнэн сэргэхтик сылдьан, оҕолоруҥ, сиэннэриҥ, хос сиэннэриҥ сылаас тапталларыгар кынаттанан, мэльди үөрэ- көтө сырыт.
Убаастабыллаах 75 сааһын туолбут
Антонова Августина Николаевна
Айхал – аҕыс уон биэс сааскынан, алгыс бастыҥа ананар! Үтүө мөссүөнүҥ өлбөөрбөтүн, сайар санааҥ саппаҕырбатын, саргылаах олоҕуҥ уһаатын, сайдыыны – дьолу салҕаатын. Алгыс баһын сыата-арыыта ананар барыта эйиэхэ, этэҥҥэ буолууну түстүүбүт, элэйбэт эрчими төлкөлүүбүт!
Николаева Анна Капитоновна
Сахабыт сирин алмааһын курдук кытаанах доруобуйаны, сүбэ-ама, күүс-көмө буолан, өссө даҕаны уһуннук олох үөрүүтүн, дьолун тэҥҥэ үллэстэн, ыалдьары билиммэккэ, этэҥҥэ, билиҥҥиҥ курдук сэргэхтик олороргор баҕарабыт. Иэйэхситтэриҥ эҥэрдэһэ, айыыһыттарыҥ аргыстаһа, араҥаччылыы сырыттыннар. 90 үбүлүөйдээх сылгынан
Алексеев Егор Алексеевич
«Yйэҕэ биирдэ буолар саамай үчүгэй дьылҕаны Yрдүк Айыылар Мария Алексеевнаҕа анаабыттар. Эн ыччатыҥ, оҕолоруҥ, сиэннэриҥ, удьуордарыҥ эйигин ууһааннар уһун үйэлээх, бөҕө туруктаах, бигэ ыйаахтаах үтүө дьон буоллуннар. Бары үтүөнү эрэ тускулаатыннар, дьолу эрэ туһаайдыннар, кэскили эрэ кэрэһэлээтиннэр. Эйиигин үрдүк мэҥэ халлааҥҥа олохтоох Yрүҥ Айыылар алгыы, арчылыы, көрө-истэ, көмүскүү, харыһыйа турдуннар» – диэн баҕа санаа бастыҥын аныыбыт.
100 сааһын туолбут Прокопьева Мария Алексеевна
