Ибир самыыр илдьиттээх
Итии куйаас сайыннаах,
Нуолур солко күөҕүнэн
Суугунаспыт тыалардаах.

Үтүө үлэһит дьоннордоох
Уруйдаах тускуллаах ыччаттаах,
Кэхтибэт үтүө саргылаах
Кэрэ бэлиэ мин дойдум
Илбэҥэлиир эбэккээм.

Үрүҥ илгэ төрдө буолан
Иҥэмтэлээх оттордоох,
Ача күөхтээх хонуулаах
Уйгу быйаҥ сыһыылаах.
Сайа охсор салгыннаах
Сырдык ыраас халлааннаах,
Күнү көрсө күөрэйэр
Күөрэгэйдиир чыычаахтаах.