Маһынан оттуллар ититэр система аан бастаан оскуолаҕа 1980 сыллаахха киирбитэ. Ол иннинэ нэһилиэк Сэбиэтин дьиэтэ 70-с сылларга автономнай маһынан ититэр систиэмэ этэ. Олох сайдыытын кытта сопхуос саҕана гаражтар аан бастаан ититэр систиэмэҕэ холбоммуттара. Сопхуос ыһыллан котельнайдар оттуктарын хааччыйыы боппуруоһа сытыытык турбута. Ол иһин 1992 сыллаахха олохтоох дьаһалта иһинэн олох-дьаһах коммунальнай тэрилтэтэ тэриллибитэ, онтон 1994 сыллаахха улуус иһинэн олох-дьаһах коммунальнай тэрилтэлэрэ, Баппаҕаайыга ОДьКХ учаастага үлэтин саҕалаабыта. Нэьилиэккэ улахан суолталаах үлэ5э үтүө суобастаахтык, үлэлэригэр бэриниилээхтик үлэлээбит дьоннорунан буолаллар:
Алексеев Иван Сидорович.
(01.06.1932 – 23.06.2002)
1932 с. Сортуолга төрөөбүтэ. 1956 с. оскуола 5 кылааһын б;тэрбитэ. 1967 с. Ньурбатааҕы СПТУ-ну бүтэрэн, токарь идэлэммитэ. 1956 с. «Октябрь» холкуоска, «Орто-Бүлүү”,” Баппаҕаайы» сопхуостар чилиэнэ, 1968-88 сс. дизелист, тракторист, сайын отчут. 1991-95 сс. ЖКХ кочегара. Маска дэгиттэр талааннаах уус этэ. « Коммунистическай үлэ ударнига”, “Үлэ ветерана”, “Аҕа дойдуну көмүскүүр сэрии кэмигэр килбиэннээх үлэтин иьин” мэтээллэринэн, харчынан, грамоталарынан наҕараадаламмыта.
Акимов Петр Николаевич
(18.07.1954 – 11.05.2017)
Биһиги аҕабыт, эһээбит Акимов Петр Николаевич 1954 с. от ыйын 18 күнугэр күн сирин көрбүтэ. Аҕата Платонов Николай Платонович, ийэтэ Акимова Вера Семеновна бастакы уоллара. 1974 с. армияттан кэлбитэ. 1975 с. Хампаҕа тырахтарыыстар куурустарыгар баран уөрэнэн тырахтарыыс идэтин ылбыта. Баппаҕаайы сопхуоһугар эрэ тыраахтары тутан үлэлээбитэ. 1976 с. Орто Бүлүү сопхуоһугар Тааһаҕар нэһилиэгэр үлэтин салҕаабыта. Сайын от оттуу бэс ыйын бүтүүтэ өрүс уҥуор Чуркумдаҕа балаҕан ыйын бүтүүтэ оттоон бүтэн киирэллэрэ. Кыһынын от тиэйиитэ, мас соһутта буолпра. Тырахтарыыстар путевкаҕа суруллубут үлэни толороллоро. Үлэтигэр бэриниилээх буолан үтүө суобастаахтык толороро, грамотанан наҕараадаламмыта. 1989 с. аҕата ыҥыран төрөөбүт дойдутугар көһөн кэлэн саҥа трактор тутан мас таһыытыгар, сир оҥоһуутугар элбэх өҥөлөөх. Ол курдук ыарыйдаҕына да бюллетень ылбат этэ. Дьиэтигэр эмтэнэ-эмтэнэ үлэлии барара, үлэҕэ баҕалаах үлэһит этэ. 1992 с. Баппаҕаайы сопхуос иһинэн Илбэҥэ тырахтарыыстарыгар күрэхтэһии тэрийбиттэрэ Онно бастакы миэстэ буолан гуруусчугунаан Алексеев Гаврил Романовичтыын хара саһыл тыһынан наҕараадаҕа тиксибиттэрэ. Мас охторуутугар эрбии сыабын мындыр буолан сытыылыыбын табара ол иһин көрдөһөөччү да элбэх этэ. Сопхуос эстибитин кэннэ кочегар, оператор үлэтигэр үлэлээбитэ. Пенсияҕа ЖКХ-ҕа үлэлии сылдьан тахсыбыта.
Шамаев Николай Михайлович
(22.05.1940- 08.02.1996)
Биһиги аҕабыт Шамаев Николай Михайлович 1989 сыллаахтан кулууп кочегарынан үлэлээбитэ. Кинини кытта Алексеев Иван Сидорович, _________ үлэлээбиттэрэ. Икки оһоҕу маһынан күнүстэри-түүннэри оттоллоро. Бэйэлэрэ хайытан, хочуолунай иһигэр киллэрэн саһаанныыллара. Барыта илии ыарахан үлэтэ этэ, онтон кэлин убаҕас оттукка ( конденсат) көспүттэрэ. Кэлин эдэр эрчимнээх уолаттар Алексеев А.Р., Васильев В.В үлэлэспиттэрэ. Бэркэ тапсан үлэлииллэрэ, аҕабыт кинилэргэ наставник курдук этэ. Үлэлэригэр эппиэтинэстээхтэрэ, үлэлиир сирдэрин мэлдьи ыраастык туталлара, хочуолу биирдэ да тоҥорбокко үлэлээбиттэрэ. Кини 1995 сылга диэри үлэллэбитэ.
Общественнай үлэҕэ мэлдьи көхтөөх этэ, нэһилиэк олоҕор наһаа кыһаллар ыалдьар этэ. Кулууп үлэтиттэн туора тарбата, хаһан наада диэтилэр да тиийэн кыттыбытынан барара. Ырыаһыт, сценкаларга, спектаклларга оруоллары итэҕэтиилээхтик оонньуура, конферансье, тамада этэ.
1996 сыллаахха ыарахан ыарыыттан олохтон барбыта.
Иванов Прокопий Маркович.
(31.03.1961- 01.03.2009)
Иванов Прокопий Маркович 1963 сыллаахха кулун тутар 31 күнүгэр элбэх оҕолоох дьиэ кэргэҥҥэ төрдүс оҕонон төрөөбүтэ. Баппаҕаайы орто оскуолатын бүтэрэн баран ол саҕанааҕы ыччат курдук хотоҥҥо сүөһүгэ үлэлээбитэ, армияҕа сулууспалаабыта. Красноярскай куоракка институтка механик идтигэр үөрэнэ сылдьыбыта. 1987 сыллаахха алтынньы ыйга Жанна Николаевналыын ыал буолбута. ЖКХ тэрилтэтигэр котельнайга операторынан үлэлээбитэ.1996 сыллаахха эдэр ыал саҥа дьиэ туттубуттара, үс кыыстаммыттара. 2009 сыллаахха соһумардык күн сириттэн суох буолбута.
