Бэс ыйын 15 күнүгэр Арассыыйаҕа учуутал уонна уһуйааччы,
Саха республикатыгар Үлэ, Бүлүү улууһугар Доруобуйа,
Баппаҕаайы нэһилиэгэр Үйэтитии сылларынан
Баппаҕаайы нэһилиэгэр Үрүҥ Тунах ыһыахпытын ыстыбыт. Алгыс Уйбаан сэттэ кыталык кыыс, тоҕус туруйа уол арыалдьыттарынаан ыһыахтыыр түһүлгэҕэ алгыс түһэрдэ. Эҕэрдэ тыллар ырыа-үҥкүү дьиэрэйдэ.
Ыһыахпыт иккис чааһыгар хапсаҕайга Саха АССР спордун маастара, 1 Манчаары оонньууларын 62 киилэҕэ чемпиона , саха сирин Спартакиадатын 2-с призера, Бүлүү эҥэр улуустар тустууга, хапсаҕайга чемпиона, призера биир дойдулаахпыт АЛЕКСЕЕВ ТРОФИМ КУЗЬМИЧ аатын үйэтитэр хапсаҕайга 62 киилэҕэ аһаҕас күрэх ыытылынна. Кыттыыны ыллылар тоҕус бөҕөс Нам, Кэбээйи, Үөһээ – Бүлүү, Бүлүү улуустарыттан уонна Баппаҕаайы нэһилиэгиттэн.
Күрэх кыайыылааҕынан буолла Үөһээ – Бүлүү бөҕөһө Николаев Пантелеймон, бирииһэ 50 тыһыынча солкуобай уу харчыннан, бирииһи туруордулар Трофим Кузьмич аймахтара, оҕолоро. Иккис миэстэ Нам бөҕөһө Парников Айыстаан 20 тыһыынча солкуобай уу харчыннан, бирииһи туруорда Баппаҕаайы нэһилиэгэ МТ. Үһүс миэстэ Кэбээйи бөҕөһө Васильев Владислав, бирииһэ 10 тыһыынча солкуобай уу харчыннан, бирииһи туруорда күрэх тэрийээччитэ Огудов Прокопий Семенович.
Күрэҕи тэрийдэ Халбаакы нэһилиэгин бочуоттаах олохтооҕо, спорт бэтэрээнэ, Моруот уонна Аҥкыр күрэхтэри тэрийээччи ыытааччы биир дойдулаахпыт Огудов Прокопий Семенович.
Ыһыахха аналлаах “Ыллыыр – туойар оҕо саас” ырыа , “ЫҺЫАХ МААНЫЛААХ ТАҤАҺА” сахалыы таҥас көрүү-күрэҕэр оҕолор көхтөөхтүк кытыннылар.
Ыһыах спортивнай чааһыгар “Илбэҥэ Боотур-2023” нэһилиэкпит 9 ыччата.
7 сахалыы көрүҥҥэ (3 төгүл 3, мас тардыһыыта, хапсаҕай, оҕунан ытыы, тутум эргиир, таас көтөҕүүтэ, сүүрүү) күөн көрүстүлэр.
Атаков Эрхаан 22 саастаах
Слепцов Василий 28 саастаах
Яковлев Анастас 22 саастаах
Алексеев Иван 22саастаах
Николаев Никон 27 саастаах
Васильев Христофор 28 саастаах
Васильев Денис 25 саастаах
Алексеев Костя 17 саастаах
Никифоров Толя 21 саастаах
Тыҥааһыннаах күрэх түмүгүнэн 1 миэстэ Яковлев Анастас, 2 миэстэ Атаков Эрхаан, 3 миэстэ Алексеев Костя ыллылар
“ҮЛЭ – ҮҮНЭР, САЙДАР СУОЛ!” – үлэ сылыгар аналлаах “Ферма кыргыттара” театрализованнай туруорууну нэһилиэк самодеятельноһын актыыбыыстара көрдөрдүлэр.
