Сэтинньи 4 күнүгэр Арассыыйаҕа Норуоттар сомоҕолоһууларын күнэ буолар. Бу күн биһиги нэһилиэккэ олус бэртээхэй тэрээһин буолан ааста. Нэһилиэкпит 6 түөлбэлэрэ дойдубутугар олорор араас омуктар астарын астаан, остуолларын тардан үгэстэрин, үҥкүүлэрин көрдөрөн көрүү-күрэххэ кытыннылар.

Доҕордуу норуоттар бары бииргэ “Мин, эн, кинилэр – бары биир сомоҕо” үҥкүүнү толордулар

Түөлбэлэрбит олус диэн бэлэмнэнэн кэлбиттэр. Тэрээһин үрдүк таһымнаахтык ааста. Көрүү-күрэх түмүгүнэн “Самый лучший национальный стол” (Долган норуота) кыайыылаах аатын ылла “Кэлтэгэй” түөлбэ грамотаннан, харчыннан бириэмийэлэннэ. “Самый богатый стол” номинация (Нуучча норуота) “Эрэл” түөлбэ, “Оригинальное оформление блюд” (Узбекистан ) номинация “Сайдыы” түөлбэ, “Лучшая сервировка стола” номинация (Грузия) “Айыына” түөлбэ, “Лучшая презентация национальных блюд” номинация (Китай) “Кэскил ” түөлбэ, “Самые вкусные национальные блюда” номинация (Саха) “Эбэ” түөлбэ ыланнар сертификат уонна харчыннан бириэмийэ туттулар.

Алтынньы ыйга олохтоох библиотекарь Айталина Сидорова баатаннан харыйа оонньурдарыгар маастар-кылаас ыытта.

Саҥа дьылга бэлэмнэнии саҕаланна . Олус үчүгэй МК тэрийбит Айталина Михайловнаҕа махтал.

Суоппар идэтэ киһи олоҕор олус наадалаах уонна суолталаах идэ буолар. Алтынньы 29 күнүгэр суоппар күнэ бэлиэтэнэр. Бу күҥҥэ анаан нэһилиэкпит араас саастаах суоппардарыгар квест-оонньуу ыыттыбыт.

Суол быраабылатын билиигэ тест, оонньуур массыынаны автодромҥа сүүрдүү, суол знактарын таайыы, массыына маркаларын таайыы, сыал быраҕыы курдук араас оонньууларга кыттан, кофе иһэн күннээҕи түбүктэн дүоһуйа сынньаннылар.

Баҕарабыт бука бары суоппардарга көнө суолу, күөх уоту сымнаҕас айаны айаҥҥыт аргыстаах, суолгут доҕордоох буоллун.Дом!Дом!Дом!