Ахсынньы 7 күнүгэр нэһилиэкпит харыйатын уота чаҕылхай уоттарынан сандаарда. Төрөппүттэр , оҕолор симэммит харыйа тула тоҕуоруһа муһуннулар. Тымныы Моруос Хаарчаана сиэнинээн кэлэн “Харыйабыт уота сандаар -диэтин кытта симэммит харыйа араас уоттарынан чаҕылыҥныы түстэ.

Бу күн мустубут оҕолору  Тымныы Моруос  мороженайынан күндүлээтэ. Алаһа СК “Харыйа оонньуура бээбит илиибитинэн” дьиэ-кэргэн күрэҕин биллэрбитэ. Бу күрэххэ 12 оҕо  тереппүттэринээн оҥорбут оонньуурдарын аҕалан нэһилиэк харыйатыгар ыйаатылар.

Ийэлэр хаар кырыйыытыгар күрэхтэстилэр, оҕолорго араас көрдөөх оонньуу ыытылынна, бириис тутан оҕолор  саҥа дьыл чугаһаабытыттан үөрэн-көтөн тарҕастылар.

Араас көрдөөх оонньуулар

Оҕолор оҥоһуктара улахан харыйаҕа

Олоҥхо – саха норуотун барҕа баайа. Олоҥхо – норуот тылынан уус-уран айымньытын чыпчаала. Киһи олоҥхону аахтаҕына, кэрэтик саҥарарга, олоҥхо тылын өйдөөтөҕүнэ, мындырдаан толкуйдуурга, ис хоһоонун биллэҕинэ, сөптөөхтүк дьаһанан олорорго үөрэнэр.

Ахсынньы 7 күнүгэр Өрөспүүбүлүкэҕэ Олоҥхо күннэрин чэрчитинэн Баппаҕаайы нэһилиэгэр биир улахан сонун тэрээһин буолан ааста. Биир дойдулаахпыт олоҥхоһут, тойуксут, оһуокайдьыт, сэһэнньит Марк Гаврильевич Иванов –Табаһыт Мааркап олоҥхото бэчээттэнэн кинигэ буолан тахсыбыт үөрүүтүн үллэстэ М.Г.Иванов оҕолоро, сиэннэрэ, хос сиэннэрэ, хос-хос сиэннэрэ тоҕуоруһа мустан олус үчүгэй тэрээһини бэлэхтээтилэр.

Кинигэни хомуйан таһаардылар Марк Гаврильевич кыргыттара Саргылана Марковна, Туяра Марковна.

100 ахсаанынан бэчээтттэнэн тахсыбыт кинигэҕэ Марк Гаврильевич -Табаһыт Мааркап олоҥхото, дьиэ кэргэнин хаартыскалара,олоҥхо дьоруойдарын уруһуйдара уонна аныгылыы Qr куотунан киирэн көрөр 9 сигэтэ киирбит.

Киэҥ туттар киһибит Марк Гаврильевич Иванов -Табаһыт Мааркап олоҥхото уос номоҕо буолан үйэлэргэ сүппэтин.Дом!Дом!Дом!