Бэс ыйын 15 күнүгэр Арассыыйаҕа учуутал уонна уһуйааччы,
Саха республикатыгар Үлэ, Бүлүү улууһугар Доруобуйа,
Баппаҕаайы нэһилиэгэр Үйэтитии сылларынан
Баппаҕаайы нэһилиэгэр Үрүҥ Тунах ыһыахпытын ыстыбыт. Алгыс Уйбаан сэттэ кыталык кыыс, тоҕус туруйа уол арыалдьыттарынаан ыһыахтыыр түһүлгэҕэ алгыс түһэрдэ. Эҕэрдэ тыллар ырыа-үҥкүү дьиэрэйдэ.
Ыам ыйын 31 күнүгэр Баппаҕаайыга нэһилиэк инники сайдыытыгар олус улахан суолталаах тэрээһин буолан ааста. Ол курдук “ЭРЭЛ” спортивнай саалаҕа биир дойдулаахпыт, Баппаҕаайылар холобур оҥостор, киэҥ туттар киһибит Саха АССР физкультурнай- спортивнай хамсааһынын салайааччыта, Саха Сирин спорткомитетын председателя, Саха сиригэр Манчаары оонньууларын төрүттээччи, оһуохайдьыт,алгысчыт, биир дойдулаахпыт АЛЕКСЕЕВ АФАНАСИЙ ЕГОРОВИЧ аатын үөрүүлээх-быһыыга иҥэрдибит.
23 мая в селе Илбенге прозвенел «Последний звонок» для выпускников Баппагайинской СОШ им.М.А.Алексеева в Досуговом Центре “Алаһа”.
В этом году школу заканчивают 6 учеников. Красивые, нарядные выпускники под руку с родителями поднялись на сцену под аплодисменты зрителей.
Баппаҕаайы нэһилиэгэр 11 тыыл, үлэ бэтэрээннэрэ уонна 10 сэрии кэмин оҕолоро олороллор. Кыайыыны уһансыбыт ытык кырдьаҕастарбытын дьиэлэринэн кэрийэ сылдьан эҕэрдэлээтибит. Улуус, нэһилиэк дьаһалталарын бэлэхтэрин туттардылар дьаһалта баһылыга Николаев Е.А. , бэтэрээн сэбиэтин салайааччыта Николаева А.А. Самодеятельность кыттыылаахтара ыллаан-туойан эҕэрдэлээтилэр.
Ыам ыйын 9 күнүгэр сарсыарда 11 ч Баппаҕаайы нэһилиэгин Кыайыы болуоссатыгар нэһилиэк олохтоохторо, оҕолор Кыайыы 78 сылын көрсө үөрүүлээх миитиҥҥэ муһуннулар. Тэрээһини иилээн- саҕалаан ыытта “Алаһа” СК . Эҕэрдэ тылы эттэ нэһилиэк дьаһалтатын баһылыга Николаев Е.А. , бэтэрээн сэбиэтин салайааччыта Николаева А.А. кэлэр көлүөнэ ыччакка Кыайыы суолтатын , өлбөт-сүппэт өйдөбүлүн туһунан кэпсээтэ. Дойду үрдүнэн буола турар балаһыанньаны сөпкө өйдөөн нацизмы утары бары биир күүс сомоҕо буоларга ыҥырда.
М.А. Алексеев аатынан Баппаҕаайы орто оскуолатын оҕолоро “Музыка для всех” проегынан Үлэ сылыгар аналлаах “Салют к Победе” конкурска 3 ст .Лауреат хаһаайыннара 3-4 кылаас үөрэнээччилэрин “Веселые нотки” хор толоруутугар “Албан ааттаах суолларынан”, “Музыка для всех” проегынан Үлэ сылыгар аналлаах “Салют к Победе” 5 республиканскай “Мальчишки поют” конкурска 2 ст. Дипломант хаһаайыннара 2 кылаас уолаттара “Мин Саха уолабын” ырыалары ыллаан эҕэрдэлээтилэр.
Ыам ыйын 8 күнүгэр Баппаҕаайы нэһилиэгэр “Сэрии хонуутугар охтубут буойуттар” пааматынньыктарыгар өйдөбүнньүк чүмэчи ууруута ыытылынна.
Ыам ыйын 8 күнүгэр “Алаһа” СК , самодеятельность актыыбынай кыттыылаахтара бэтэрээннэри нэһилиэк олохтоохторун эҕэрдэлээн бырааһынньыктааҕы кэнсиэр көрдөрдүлэр.
