Муус устар 27 күнэ Саха Өрөспүүбүлүкэтин күнэ
Саха Өрөспүүбүлүкэтин күнүгэр нэһилиэкпитигэр бырааһынньыктааҕы тэрээһин ЭРЭЛ спортсаалаҕа буолла. Сахалыы таҥастаах оҕолор, улахан дьоннор муһуннулар, тэрээһин арыы саҥыйахтаах алаадьыннан айах тутууттан саҕаланна. Мустубут дьону “Алаһа” дьахталлар ырыа ансамбыла “Сахам сирэ” Ангелина Файрушина ырыатынан, нэһилиэк баһылыга Николаев Е.А. эҕэрдэлээтилэр . Мустубут дьон саха төрүт үҥкүүтүгэр оһуохайга түмүстүлэр. Оһуохай тылын таһаарда кэскиллээх этээччи 10 кылаас үөрэнээччитэ Антонова Наташа ( уһуйааччы Кириллина М.Е.)
Ахтан санаан ааһыахха…
Аан Дойдутааҕы ветеринария күнэ киһи –аймах үтүө ,чөллөөх буолуутугар сүҥкэн улахан суолталаах. Кини улууканнаах туһата- киһи аймаҕы аһылыгынан хааччыйыыга, ресурсаны эбэн биэриитигэр.
Читать далее Ахтан санаан ааһыахха…Кырыа кыһыны кыйдаан, сандал сааһы саргылаан!
Уһун кыһыммыт тымныы тыына сымнаан, сааспыт кэлэн иһэрэ лаппа биллэн эрэр…
Муус устар 16 күнүгэр нэһилиэкпитигэр кыһыны атаары буолла. Нэһилиэк олохтоохтооро , оҕолор, ыалдьыттар порт территориятыгар тоҕуоруһа мустан Алаһа СК тэрийбит оонньууларыгар олус көхтөөхтүк кытыннылар. Асчыт хотуттар, урбаанньыттар ас астаан , үтэһэлээх эт (шашлык) бүһаран атыылаатылар. Сүүйүүлээх билиэттэр оонньоннулар, күрэхтэр кыайыылаахтара бириис арааһын ылан үөрдүлэр-көттүлэр.
Пасха (опрос)
после голосования можно посмотреть результат обновив страницу
[yop_poll id=”1″]
Читать далее Пасха (опрос)
Баппа5аайы нэһилиэгин булчуттара
Сахалар түҥ былыргыттан төрүт дьарыктарынан бултааһын буолара. Кыһын сир-дойду маҥан кырса хаарынан бүрүлүннэҕинэ, булчуттар тэринэн-хомунан баай тыаларыгар бултуу-алтыы тахсаллара.
Ол курдук Баппаҕаайы сиригэр колхуоска, сопхуоска булчуттарынан аатырбыт, дьон-сэргэ умнубакка көлүөнэттэн көлүөнэҕэ уос номоҕо гынан кэпсээн кэлбит булчуттарынан буолаллар:
Читать далее Баппа5аайы нэһилиэгин булчуттара
Муус устар 1 күнэ КӨР – КҮЛҮҮ күнэ
Күлүү эмтээх, күлэ – үөрэ сылдьар киһи уһун үйэлэнэр, чөл куттаах, чэгиэн, чэбдик буолар диэн этиллэр. Былыр – былыргаттан, олоххо баар көрдөөх – күлүүлээх түгэннэр, эмиэ даҕаны дьон бэйэ – бэйэтигэр сыһыаныгар киһи бэркиһиир, кэлэйэн күлэр да суоллара баар. Көрдөөх сценкалары көрүү күүстээх үлэ кэнниттэн аралдьыйан саҥа күүһү – эрчими ииттинэргэр көмөлөһүө, бүгүҥҥү олох кыһалҕаларын кыайарга тирэх буоллун.
Читать далее Муус устар 1 күнэ КӨР – КҮЛҮҮ күнэ
“БАЯН ДОЛГУТАР ТЫАҺЫНАН – ӨССӨ ЫЛЛАА”
Кулун тутар 25 күнүгэр Баппаҕаайы нэһилиэгэр хаһан да буолбатах дьоро киэһэ буолла. баянист, ырыаһыт Николай Семенович Платонов аатын үйэтитэн “Баян долгутар тыаһынан – өссө ыллаа” баянистарга аналлаах аһаҕас ырыа күрэҕэ бэрт сэргэхтик ыытылынна.Куонкурус саҕаланыытыгар Платонов Н.С. оҕолоро, быраата нэһилиэк дьаһалтатыгар, Алаһа СК коллективыгар, махтал тыллары эттилэр бэлэхтэрин туттардылар. Уола Виктор Николаевич Саха сирин транспорын үтүөлээх үлэһитэ, Саха сирин авиациятын бочуоттаах үлэһитэ, авиация бэтэрээнэ, СӨ баянистарын союһун чилиэнэ, самодеятельность кыттыылааҕа баянынан ыллаан дойдутун дьонун үөртэ. Хос эһээтин туйаҕын хатарар сиэнэ Ян Арктикатааҕы култуура институтун студена аккордеоҥҥа эһэтэ баяҥҥа оонньоон сүрдээх үчүгэй нүөмэри көрдөрдүлэр.
Куонкуруска Дьокуускай куораттан, Нам, Кэбээйи, Горнай, Хаҥалас, Бүлүү улуустарыттан 7 ырыаһыт -баянист кыттыыны ыллылар. Кыттааччылар 2 лии ырыаны толордулар, бастакыннан Үлэ, үөрэх туһунан, иккиһинэн бэйэлэрэ сөбүлүүр ырыаларын. Бииртэн биир талааннаах дьон баяннарын тыаһынан ырыаларынан көрөөччүнү долгуттулар.
“Баян долгутар тыаһынан – өссө ыллаа”
Кулун тутар 21 күнэ Саха Сиригэр Сылгыһыт күнэ
Сылгыһыт – ыарахан уонна эппиэттээх үлэ. Киһи эрэ барыта сылгыһыт буолан төрөөбөт, сылгыһыт уустук идэтин талбат. Кыһыннары-сайыннары биир өрөбүлэ суох ыҥыыр үрдүгэр олорон, сыһыылары сыыйан, алаастары кэрийэн, үрэхтэри быһан, сыспай сиэллээҕи көрүү-истии ыарахан,уустук үлэ.
Читать далее Кулун тутар 21 күнэ Саха Сиригэр Сылгыһыт күнэ