Бүлүү улууһун дьаһалтата “АЛРОСА” дивиденын нэһилиэктэр сайдыыларыгар куонкурус тэрийэн түҥэппитэ олус кэрэхсэбиллээх. “Баппаҕаайы нэһилиэгэ МТ” Алаһа СК материально-техническай туруга тупсарыгар куонкуруска кыттан 140 сымнаҕас кириэһилэҕэ үп ылла.
Балаҕан ыйыгар ИП Голиков А.А. договордаһан 140 кириэһилэлэри оҥорон , таҥан туруоран барда.
Төрөппүттэрбит – холобур буолар дьон
Биһиги ийэбит Прокопьева Мария Алексеевна 1921 сыл от ыйын 1 күнүгэр «Силээн» сиригэр «Бэс балаҕан» диэн өтөххө, күн сирин көрбүтэ. Ийэтэ, Прокопьева Анна Ивановна. Аҕата, Прокопьев Алексей Семенович. Кинилэр 13 оҕоломмуттарыттан 2 –ки оҕо кыраларыгар төннүбүттэр. Улаатан киһи буолбуттара 11 оҕо эбит. 3 оҕону дьон ииттэ ылбыттар.
Аҕалара Өлөксөй байанайдаах булчута, ийэбит, булт аһынан олорбуппут диэн кэпсээччи.
