Архив метки: юбилей
Төрөөбүт күҥҥүнэн тапталлаах Баппаҕаайы нэһилиэгэ!
Ибир самыыр илдьиттээх
Итии куйаас сайыннаах,
Нуолур солко күөҕүнэн
Суугунаспыт тыалардаах.
Үтүө үлэһит дьоннордоох
Уруйдаах тускуллаах ыччаттаах,
Кэхтибэт үтүө саргылаах
Кэрэ бэлиэ мин дойдум
Илбэҥэлиир эбэккээм.
Прокопьева Мария Алексеевна 100 саастаах үбүлүөйэ
Төрөппүттэрбит – холобур буолар дьон
Биһиги ийэбит Прокопьева Мария Алексеевна 1921 сыл от ыйын 1 күнүгэр «Силээн» сиригэр «Бэс балаҕан» диэн өтөххө, күн сирин көрбүтэ. Ийэтэ, Прокопьева Анна Ивановна. Аҕата, Прокопьев Алексей Семенович. Кинилэр 13 оҕоломмуттарыттан 2 –ки оҕо кыраларыгар төннүбүттэр. Улаатан киһи буолбуттара 11 оҕо эбит. 3 оҕону дьон ииттэ ылбыттар.
Аҕалара Өлөксөй байанайдаах булчута, ийэбит, булт аһынан олорбуппут диэн кэпсээччи.
