Кыайыы туһугар, эйэлээх олох туһугар, сырдык тыыннарын толук уурбут буойуттарга, кинилэр албан ааттарыгар умуллубат өйдөбүнньүк чүмэчини нэһилиэк олохтоохтооро уурдулар.

Ахтыаҕыҥ доҕоттоор кыргыһыы дьылларын

Кыайыылаах – хотуулаах дьоммутун,

Ахтыаҕыҥ кинилэр килбиэннээх ааттарын

Өлбүт да, тыыннах да герой дьоннору.

Хастара ыраах билбэтэх сирдэригэр

Хаалбыттара буолуой көмүс кырамталара!

Хастара өлүүнү баһыйан бараннар

Охтубуттара буолуой, холорукка түбэһэннэр?

Баппаҕаайы нэһилиэгиттэн Аҕа Дойду сэриитигэр 74 киһи ыҥырыллыбыттара. Ол онтон 40 киһи сэрии хонуутуттан эргиллибэтэхтэрэ… Кинилэр ааттара үйэлэргэ умнуллубаттыы, мрамор тааска суруллан пааматынньыкка турар.

Өйдөбүнньүк гирлянданы уурдулар нэһилиэк дьаһалтатын баһылыга Е.А.Николаев, сэрии кыттыылаахтарын оҕолоро В.Я.Акимова, А.Н.Николавева уонна оскуола үөрэнээччилэрэ Егор Борисов, Алик Платонов.

Эһиги Кыайыыны уһансыбыт албан ааккытын, тыыннаах холобургутун, көлүөнэттэн көлүөнэҕэ киэн тутта кэпсиэхпит. Ийэ дойдуга бэриниилээх, төрөөбүт дойдуга туһалаах, эйэлээх олоҕу салайар эрэллээх дьоһун дьон дэтиэхпит.!

Ким да умнуллубат! Туох да умнуллубат!