Аҕа дойду Улуу сэриитэ түмүктэммитэ 80 сылыгар анаан Баппаҕаайы нэһилиэгин дьаһалтата  (баһылык Е.А.Николаев) олус үчүгэй өҥнөөх глянцевай лиистээх, 82 страницалаах  альбом-кинигэ таһаартарда. Төрөөбүт нэһилиэктэрин историятын утумнаахтык үөрэтииннэн дьарыктаммыт аҕа  саастаах үтүө үлэһит дьоммут  СӨ үтүөлээх учуутала Егор Сидорович Алексеев, Николай Николаевич Антонов мунньан суруйан хаалларбыттарынан  РФ үөрэҕириитин туйгуна “Учууталлар учууталлара” Августина  Николаевна Антонова хомуйан түмэн таһаартарбыт кинигэлэригэр олоҕуран нэһилиэк иһинэн  тэриллибит “Үйэтитии” хамыыһыйа оҥорон, сааһылаан Ректайм бэчээттиир тэрилтэҕэ бэчээттэттилэр.

 Ыам ыйын 9 күнүгэр Кыайыы күнүгэр нэһилиэк баһылыга Егор Афанасьевич биһиги кэккэбитигэр сылдьар ытыктабыллаах 4 тыыл бэтэрээннэригэр, 9 сэрии кэмин оҕолоругар бу сабыс саҥа бэчээттэммит альбомнары туттарда.

Кэнчээри ыччаттарбыт эһэлэрин, эбэлэрин, аҕа көлүөнэ дьоннорун олорон ааспыт дьоһуннаах олохторун хаһан да умнубатыннар, кинилэринэн киэн тутуннуннар диэн бу альбому оҥордубут.

Ким да умнуллубат! Туох да умнуллубат!

Бу альбому ылыан ба5арар дьоннор олохтоох дьаһалта5а билсиҥ.