Арассыыйаҕа норуоттар сомоҕолоһууларын, Саха Өрөспүүбүлүкэтигэр култуура сылларыгар аналлаах аһаҕас үҥкүү күрэҕэ сэтинньи 3 күнүгэр Алаһа СК ыытылынна.

Күрэххэ Илбэҥэттэн 3, Лөкөчөөнтөн 1 үҥкүү бөлөхтөрө өрө көтөҕүллүүлээхтик кытыннылар, олус кэрэ үҥкүү бырааһынньыга буолан ааста.

Балаһыанньа быһыытынан бөлөхтөр иккилии үҥкүүнү толордулар: биир талбыт үҥкүүлэрин уонна Арассыыйаҕа олорор норуоттар үҥкүүлэриттэн толордулар.Бары бөлөхтөр таҥастарын-саптарын оҥостон, бэлэмнэнэн кэлбиттэрэ көрөөччүнү, дьүүллүүр сүбэни сөхтөрдө. 5 киһиттэн састааптаах дьүүллүүр сүбэ түмүгү таһаарда.

1 Үктэл – “Иэйии” бөлөх (сал.Петрова Л.В.) Лөкөчөөн нэһилиэгэ, 2 Үрдэл- “Айыллаан” бөлөх (сал.Данилова Д.А.) Баппаҕаайы нэһилиэгэ,1 Үрдэл – “Кэрэли” бөлөх (сал Пахомова А.И.) Баппаҕаайы нэһилиэгэ, Кылаан Чыпчаал – “Күбэйэ” бөлөх (сал.Антонова Н.Е.) Баппаҕаайы нэһилиэгэ тиксэннэр сыаналаах бириистэринэн наҕараадаланнылар.

Үҥкүү бырааһынньыгын киэһэтин киэргэттилэр ырыаларынан тойуктарынан Тулуйхан студия иитиллээччитэ Эрхан Кириллин, СӨ култууратын туйгуна, СӨ баянистарын,ырыа айааччыларын сойууһун чилиэнэ Алексей Вензель.