Баппаҕаайы нэһилиэгин “ Одун, Чыҥыс айыыларга сүгүрүйэр Кыайыы ыһыаҕар ыытыллар күрэхтэр балаһыанньалара

Ыһыах күрэхтэригэр көхтөөхтүк кыттыҥ, кыайыҥ ,хотуҥ!

Муус устар ыйга нэһилиэкпит тэрилтэлэрин икки ардыгар Улуу Кыайыы 80 сылыгар аналлаах уус-уран самодеятельность фестивала олус тэрээһиннээхтик ыытылынна. Нэһилиэк бары тэрилтэлэрэ хабыллан көхтөөхтүк кытыннылар.

1. Алаһа СК, Баппаҕаайытааҕы быраас амбулаторията, Сибойл АЗС Илбэҥэтээҕи филиала, самодеятельность ветераннара холбоһуктаах бөлөҕө
2. М.А.Алексеев аатынан Баппаҕаайы орто уопсай үөрэхтээһин оскуолатын коллектива
3. Олохтоох дьаһалта, Эрэл спортсаала, олох дьаһах коммунальнай хаһаайыстыба Баппаҕаайытааҕы филиалын, социальнай харалта, Почта России тэрилтэлэр үлэһиттэрин холбоһуктаах бөлөҕө.

Соло “Саллаат ырыата” Матрена Кириллина толоруута

Художественное слово “Дорооболоруҥ, мин тыыннаахпын” ааҕар самодеятельность бэтэрээнэ Петр Огудов

Фестиваль түмүгүнэн көрүҥнэринэн номинациялар олохтоннулар.: “Лучшее вокальное исполнение” попурри военных песен, оскуола коллективын ансаамбыла“Лучшая хореография” “Молитва” үҥкүү , оскуола коллективын “Оһуор” ансамбыла“; Лучший костюм” “Күбэйэ” бэтэрээннэр ансамбыллара; “Лучший фольклорный номер” оскуола коллектива; “Лучшие ведущие” Алина Винокурова, Ирина Жиркова; “Лучшее постановка” (сценка) оскуола коллектива; “Художественное слово” Петр Огудов – самодеятельность бэтэрээнэ “Дорооболоруҥ, мин тыыннаахпын” хоһоон аа5ыытыгар.

Кыайыы 80 сылыгар аналлаах тэрээһиҥҥэ кыттыбыт нэһилиэкпит олохтоохторугар үлэҕитигэр ситиһиилэри, доруобай чөл туругу, уһун дьоллоох олоҕу!

Баппаҕаайы нэһилиэгэр бильярд оонньуута 2011 сыллаахтан саҕаламмыта. Ол саҕанааҕы нэһилиэк баһылыга Антонов Артур Гаврильевич бильярд остуолун атыылаһан аҕалан кулуупка туруорбута, онтон ыла бильярд оонньуутун сэҥээрээччилэр сылтан сыл аайы эбиллэн испиттэрэ. 2020 сыллаахха бильярдка утумнаахтык дьарыктанааччы уонтан тахса киһи буолбута, онон улахан остуол атыылаһарга быһаарыммыттара. 12 лээх улахан профессиональнай таһымнаах остуолу нэһилиэнньэ олохтоохторо харчыннан кыттыһан уонна Николаев Артур Афанасьевич өйөбүлүнэн ылбыттара. Бэйэ дьыалатын тэринэн үлэлии сылдьар урбаанньыттарбыт Николаев А.А., Антонов А.Г. номнуо хас да сыл нэһилиэктэрин бильярдистарыгар маастар кылаастары ыыталлар, бириис туруоран сыл аайы күрэх ыыталлар

Кулун тутар 9 күнүгэр “Баппагай” бильярды таптааччылар кулууптарын оонньооччуларыгар 5 төгүлүн Николаев А.А., Антонов А.Г. бириистэригэр күрэх буолан ааста. 16 эр бэрдэ “Динамичная пирамида” көрүҥҥэ күөн көрүстүлэр.

Күрэхтэһии кыайыылаахтара

Тыҥааһыннаах күрэх түмүгүнэн:

1 миэстэ Таскин Константин 10000 солкуобай харчыннан, кубогынан, мэтээлинэн наҕараадаланна;

2 миэстэ Борисов Александр 7000 солкуобай харчыннан кубогынан, мэтээлинэн наҕараадаланна;

3 миэстэ буоллулар Васильев Эдуард, Степанов Эдуард 5000 солкуобай харчыннан кубогынан, мэтээлинэн наҕараадаланнылар. Барҕа махталбытын тиэрдэбит Артур Афанасьевичка, Артур Гаврильевичка куруук маннык чөл олохтоох биир дойдулаахтарын өйөөн күрэх тэрийэллэригэр. Баҕарабыт эһиэхэ үлэҕитигэр үрдүктэн – үрдүк ситиһиилэри, кытаанах доруобуйаны,үөрүүнү, дьолу дьиэ кэргэҥҥитигэр!

Сандал сааһы көрсе маҥнайгы сааскы бырааһынньык Аан дойду дьахталларын күнэ бэлиэтэнэр. Баппаҕаайы нэһилиэгэр бу дьоро күн олус үчүгэй кэнсиэр буолла.

Айыыһыт Аҕас Хотуннуун алтыһар аналлаах, Иэйэхсит Ийэ хотун имэҥин иҥэринэн, Ийэ дэтэр айылгылаах, арҕаһыттан тэһииннээх Айыы Хаан Айма5ын, көхсүттэн көнтөстөөх Күн Өркөн Киһитин, омугун аналынан, кэскили кэҥэтэр Күн Күбэй дьоммутугар, алаһа дьиэ аанньалларыгар, кэрэ куо кыргыттарбытыгар тустаах күҥҥүт туһаайан кэлбитинэн эҕэрдэ буолуохтун!

“Кэрэ талаан эйгэтэ” сонун көстүүнү бэлэхтээтэ нэһилиэкпит Далбар Хотуна тарбаҕар талааннаах Елена Павловна Алексеева. Кини бэйэтэ айбыт-туппут, тикпит, оҥорбут оҥоһуктарын көрдөрүү тэ буолла.

Туостан иһиттэр араастара маллаах иистэнэр иһиттэр, ыаҕайалар,чабычах, сүлүүдэлээх иһит, мэһэмээннэр

Сукунаҕа оҕуруоннан тиһиллибит харысхал паннолар, сиэннэргэ анаан тигиллибит паннолар

“Алаһа” вокальнай ансаамбыл, “Ийэ дойдуга тапталы-ийэ тылынан” Кууm.ru тэрийбит нэһилиэк туһунан ырыалары толорууга видеоннан күрэскэ, Аскалон Семенов “Илбэҥэ” ырыатын толорон кыттыбыттара. Күрэх түмүгүнэн 3 Үрдэл кыайыылаах аатын ылан “Көхтөөх уһун үйэлэнии киинигэр” аҕам саастаахтарыгар 10 күннээх сынньанар- чэбдигирэр 5 путевканы ыллылар.

Эйэҕэс эбээлэри, сайаҕас саҥастары, күн – күбэй ийэлэри, кындыа кыталык кыргыттары бырааһынньыгынан эҕэрдэлиибит, доруобай дьоллоох буолуҥ!

Кулун тутар 8 күнүгэр А.Е. Алексеев аатынан “Эрэл “спортсаалаҕа нэһилиэк кэрэ аҥардарыгар аналлаах “Бэргэн дьүөгэлэр” күрэҕи нэһилиэк эр дьонноро тэрийэн ыыттылар. Балаһыанньа быһыытынан 2 лии кэрэ аҥар хамаанда буолан кытыннылар.

“Үрдэл” хамаанда Дария Данилова, Чэмэлиинэ Петрова

“Дьулуур” хамаанда Анжелика Алексеева, Марина Васильева

“Сибэкки” хамаанда Мотрена Яковлева, Елена Николаева

“Выпуск 87” хамаанда Альбина Николаева, Дарианна Андреева

“Кустук” хамаанда Сардана Алексеева, Лена Никифорова

“Мичээр” Винна Алексеева, Евдокия Николаева

“Эрэл” Зинаида Дьячковская, Декабрина Иванова

Дьүөгэлэр хамаандалара 5 көрүҥҥэ күөн көрүстүлэр

1. Дартс
2. Оҕунан ытыы
3. Корнхол
4. Салгын саатынан ытыы
5. Бааҥкалары таба быраҕыы.

Кыайыылаах хамаандаларга мэтээл, грамота, сертификаттар туттарылыннылар,  бары кыттыбыт кэрэ аҥаардар сибэкки туттулар. Көхтөөх спортсменка активистка ийэлэрбитин бырааһынньыгынан эҕэрдэлиибит куруук маннык көхтөөх буолуҥ, дьолу, тапталы, доруобуйаны баҕарабыт.

Кулун тутар 6 күнүгэр Бүлүү куоракка Бүлүү улууһун дьахталларын сэбиэтэ , Н.И. Ылахова аатынан “Алгыс” култуура киинэ  “Песни , наполненные любовью” улуустааҕы дьахталлар ырыа ансаамбылларын күрэҕин тэрийэн ыыттылар. Баппа5аайытаа5ы “Алаһа” СК иһинэн үлэлиир “Алаһа” дьахталлар вокальнай ансаамбыл (салайааччы Григорьева Т.К)  ситиһиилээхтик кыттан кэллибит.

Күрэххэ барыта 60 тан тахса ырыа куттаах кэрэ аҥаардар кытыннылар Кыайыы 80 сылынан байыаннай уонна биир сөбүлүүр ырыаларын толордулар. Хас биирдии кыттааччыга тэрийээччилэр сибэкки дьөрбөтүн бэлэхтээтилэр.

Дьүүллүүр сүбэҕэ үлэлээтилэр:

1) Ольга Николаевна Корякина – М.Н.Жирков аатынан Култуура дыбарыаһын хормейстера, СӨ култууратын Үтүөлээх үлэһитэ;

2) Васильев Алексей Иннокентьевич – СӨ култууратын Үтүөлээх үлэһитэ. мелодист, “М.Н.Жирков аатынан Бүлүүтээҕи оҕо искусствотын оскуолатын” учуутала;

3) Маччаева Салтанат Темирбековна –  М.Н.Жирков аатынан Култуура дыбарыаһын ырыа коллективтарын салайааччыта.

Күрэх түмүгэ:

Гран при: «Гармония» ансаамбыл Бүлүү куорат;

1 истиэпэннээх  лауреат  «Сарыада» ансаамбыл  1 Тоҕус нэһилиэгэ;

2 истиэпэннээх лауреат  «Алаһа» ансаамбыл  Баппаҕаайы  нэһилиэгэ;

3 истиэпэннээх лауреат  «Алмазик» ансаамбыл  оҕо уһуйаанын ансаамбыла Бүлүү куорат;

1 истиэпэннээх дипломан “Гармония” ансаамбыл , Кыһыл –Сыыр бөһүөлэгэ;

2 истиэпэннээх дипломан “Сандаара” ансаамбыл , Үгүлээт нэһилиэгэ;

3 истиэпэннээх дипломан “Күбэйэ” ансаамбыл , 1 Чочу нэһилиэгэ.

2 истиэпэннээх лауреаттар “Алаһа” ансаамбыл

Махталбытын тиэрдэбит  “Алаһа” вокальнай ансаамбыл салайааччытыгар Григорьева Туйара Кирилловнаҕа, тэрийээччилэргэ, массыынаннан илдьэ сылдьыбыт суоппарбытыгар Александр Борисовка.

“Алаһа” ансаамбыл кыттыылаахтара

Олунньу 22 күнүгэр Аҕа дойдуну көмүскээччи күнүгэр аналлаах  9 түһүмэхтээх күрэх олус көхтөөхтүк ааста. 2 лии киһилээх 6 хамаанда кытынна.

А.Е. Алексеев аатынан “Эрэл ” спортсаалаҕа ох сааннан сыал ытыы, салгын саатынан сыал ытыы,  корнхол күрэхтэрэ ыытылыннылар.

“Алаһа” СК бильярд, теннис күрэхтэрэ , киэһээ өттүгэр кулууп сыанатыгар тирэхтээх эр бэрдэ, кус саҥаларын таайыы, АК – 74 ыһыы хомуйуу, АК  – 74 “маҕаһыыныгар” буулдьаны толоруу күрэхтэрэ олус долгутуулаахтык аастылар.

Күрэх түмүгэ:

1 миэстэ “Модун “хамаанда Егор Степанов, Аян Антонов

2 миэстэ “Мохсоҕол”хамаанда Александр Борисов, Дьулустан Федоров,

3 миэстэ “Баппаҕай” хамаанда Дмитрий Иванов, Гаврил Алексеев.

Күрэх актыыбынай  кыттааччылара “Эрэл” хамаанда Эдуард Степанов, Сергей Васильев, “Бэргэн” хамаанда Христофор Васильев, Эдуард Васильев, “Барс” хамаанда Валерий Николаев, Моисей Алексеев.

Кыайыылаахтар грамота, мэдээл,бириис туттулар, көхтөөх кыттааччылар грамота, сэмэй бэлэх тутанннар күрэхпит үөрүүлээхтик түмүктэннэ.

Ылбаҕай ырыаларынан, нарын үҥкүүлэринэн эҕэрдэлээтилэр самодеятельность кыттыылаахтара, оскуола үөрэнээччилэрэ.

Улуу Кыайыы 80 сылын көрсө Өрөспүүбүлүкэтээҕи Кыайыы Знамята Саха Сирин бары улуустарыгар сылдьан баран ыам ыйын 9 күнүгэр Өрөспүүбүлүкэбит киин куоратыгар тиийиэхтээх. Олунньу 13 күнүгэр Бүлүү улууһугар Кыайыы Знамятын туттарыы үөрүүлээх тэрээһинэ Горнай уонна Бүлүү улуустарын границатыгар буолла.

Горнай улууһутан оройуон Сэбиэтин бэрэссэдээтэлэ Константинова М.Г Бүлүү улууһун депутаттарын Сэбиэттэрин бэрэссэдээтэлигэр Корякин Г.С. Кыайыы Знамятын туттарда.

Знаменоцестар Советскай союз Геройа Н.С. Степанов аатынан Бүлүү 3-с нүөмэрдээх орто оскуолатын үөрэнээччилэрэ

Знамяны көрсүү олус долгуттулаахтык өрө көтөҕүллүүлээхтик ааста. Бүлүү улууһун иннинэ Кыайыы Знамята Саха Сирин 14 улууһугар сырытта.Салгыы Знамя Дьөккөн Советскай Союз Геройа Кондаков Н.А. төрөөбүт нэһилиэгэр айаннаата.